Бүгін, №4 арнайы балабақшасының оқу тәрбие жұмысының жылдық жоспары және Республика күнін мерекелеу шеңберінде «Жанашыр Жүрек» халықтық акциясын өткізу бойынша іс-шаралар жоспарына сәйкес, ашық есік күні өткізілді.
Мақсаты: Ата-аналарға бала тәрбиесінде көмек беріп, балабақша жұмыс ретімен танысуға мүмкіндік беру. Балабақшаның, топтың 1 күндік тынысымен танысу.
Балаларының дамуы бойынша сұрақтарына жауаптарын алу, ата-аналардың қажеттіліктерін, сұраныстарын қанағаттандыру.
Балабақшада ұйымдастырылған Ашық есік күнінің бағдарламасы бойынша, арнайы мамандардың түзете-оқыту сабақтарына ата-аналармен бірге, Маңғыстау облысының білім басқармасының балалардың құқықтарын қорғау, арнайы және инклюзивті бөлімнің бас маманы Самал Мәлікқызы және «Луара» Қоғамдық Қорының директоры Лаура Аралбайқызы қатысты.
Ата-аналар өз балаларының жұмыстарын көріп, педагогтерге оң баға беріп, балабақша ұжымына ризашылықтарын білдіріп, жұмыстарына сәттілік тіледі.
Дөңгелек үстелде барлық қатысушылар өздерінің ой-пікірлерімен алмасып, ұсыныстарын білдірді.
