№4 арнайы балабақшасы жылдық жоспарына сәйкес, 7 мамыр - Отан қорғаушылар күніне орай «Біз Отанның сарбазы» атты мерекелік шара өтті.
Аталған мерекеге демеушілеріміз ҚР Ұлттық қауіпсіздік комитетінің Маңғыстау облысы бойынша департаменті және «КЕН-САРЫ» ЖШСның қызметкерлері мен ата-аналарымыз арнайы келіп, балаларға көтеріңкі көңіл-күй сыйлады. Іс-шара барысында тәрбиеленушілер өз өнерлерін көрсетіп, ән айтып, би билеп, мерекенің сәнін кіргізді.
Құрметті қонақтарымызға қолдау көрсетіп, балаларға қуаныш сыйлағандары үшін шын жүректен алғысымызды білдіреміз! Осындай игі шаралар балалардың патриоттық рухын қалыптастырып, үлкенге құрмет, кішіге ізет көрсетуге тәрбиелейді.
