Тәуелсіздік күнін мерекелеудің әрбір қазақстандық үшін ерекше мәні мен мағынасы бар. Тәуелсіздік тарихына, оның табыстары мен жетістіктерін құрметтеуге, Отанына адалдық, патриоттық рух қалыптастыруға бағытталған № 4 Арнайы балабақшада «Біртұтас тәрбие бағдарламасының» кешенді жоспарына сәйкес ұйымдастырылған іс-әрекет пен іс-шаралар өткізілді.
Мақсаты:мектеп жасына дейінгі балаларда азаматтық негіздері мен патриотизмді қалыптастыру, туған өлке, ел, Отан, мемлекеттік рәміздер туралы білімдерін кеңейту.
Міндеттері:
- өздері тұратын қала мен ауыл, еліміздің астанасы туралы білімдерін жетілдіру;
- балаларды айналасындағы ересектердің жақсы көретінін, оған әрқашан қамқорлық танытатынын білдіре отырып, өзінің туған жеріне, Отанына деген сүйіспеншілік сезімін ояту;
- еліміздің жетістіктеріне мақтаныш сезімін, мемлекеттік рәміздерге (ту, елтаңба, әнұран) құрметпен қарауға тәрбиелеу.
